Useful Links

Grŵp Atebolrwydd a Dilysrwydd Plismona

Grŵp Atebolrwydd a Dilysrwydd Plismona (PALG)

Mae Grŵp Atebolrwydd a Dilysrwydd Plismona yn galluogi sefydliadau allanol ac ymgynghorwyr annibynnol i fod yn gyfeillion beirniadol i Heddlu De Cymru, gan helpu'r Comisiynydd Heddlu a Throseddu yn ei rôl graffu, a sicrhau bod Heddlu De Cymru yn atebol ac yn dryloyw. 

Mae aelodau PALG, sy'n cynrychioli amrywiaeth o sefydliadau, yn helpu'r Comisiynydd fynd ati i hyrwyddo triniaeth deg ac arferion dilys yn rhagweithiol ym mhob rhan o amgylchedd gwaith Heddlu De Cymru ac wrth ymwneud â chymunedau De Cymru.    Mae'r grŵp annibynnol yn goruchwylio ac yn craffu ar Heddlu De Cymru mewn perthynas â'r canlynol:

• Defnyddio pwerau plismona (gan gynnwys stopio a chwilio a defnyddio grym)
• Hygyrchedd a thryloywder system ymddygiad a chwynion yr heddlu
• Datblygu a gweithredu polisïau, prosiectau ac arferion
• Ymgysylltu a rhyngweithio â'r cyhoedd
• Materion tegwch yn y gwaith
• Annog amrywiaeth yn y gweithle
• Hynt yr amcanion cydraddoldeb a nodwyd fel rhan o Ddyletswyddau Penodol y Ddeddf Cydraddoldeb.

Cynhelir cyfarfodydd bob chwarter, a Phrif Weithredwr y Comisiynydd Heddlu a Throseddu sy'n eu cadeirio. Gellir dod o hyd i ganlyniadau cyfarfodydd diweddar PALG yma.  I gael rhagor o wybodaeth neu i ofyn am gael ymuno â'r grŵp, cysylltwch â hannah.jenkins-jones@south-wales.pnn.police.uk .