Achrediad y Rhuban Gwyn

Yn dilyn lansio Cynllun Mynd i’r Afael â Thrais yn erbyn Menywod a Genethod De Cymru ym mis Mehefin 2014, mae Heddlu De Cymru a Swyddfa’r Comisiynydd bellach wedi ennill eu statws Rhuban Gwyn ar y cyd cyntaf.

Nod cynllun y Rhuban Gwyn yw rhoi diwedd ar drais gan ddynion yn erbyn menywod a genethod drwy newid agweddau ac ymddygiad sy’n arwain at weithredu felly ac yn ei borthi a hybu’r swyddogaeth gadarnhaol dynion mewn atal hynny.

Mae Ymgyrch Rhuban Gwyn y DU wedi cydnabod ymrwymiad ar y cyd y Prif Gwnstabl, Peter Vaughan, a’r Comisiynydd Heddlu a Throseddu, Alun Michael, i fynd i’r afael â phroblem trais yn erbyn menywod. Gallant ddefnyddio eu swyddogaeth a’u profiad fel llysgenhadon i lefaru ac i weithredu i atal trais gan ddynion yn erbyn menywod, gan addo codi ymwybyddiaeth o fater trais yn erbyn menywod.