Ddydd Sul, 24 Medi, bydd Alun Michael, Comisiynydd yr Heddlu a Throseddu De Cymru yn ymuno â chynulleidfa o 1,000 o bobl yn y New Theatre, Caerdydd ar gyfer 20fed Diwrnod Coffa Cenedlaethol yr Heddlu (NPMD), i anrhydeddu'r swyddogion heddlu a wnaeth yr aberth eithaf wrth amddiffyn a gwasanaethu eu cymunedau.

Dywedodd Alun Michael: "Bob diwrnod y bydd swyddog yr heddlu yn mynd i'w waith, bydd yn peryglu ei hun er mwyn diogelu eraill.

"Bydd dydd Sul yn gyfle i gofio am gydweithwyr a wnaeth yr aberth eithaf wrth wasanaethu ac i feddwl am eu teuluoedd sydd wedi gorfod dioddef y torcalon o golli eu hanwylyd.

“Nid ânt yn angof.”