Ddydd Iau 14 Medi, aeth Alun Michael, Comisiynydd yr Heddlu a Throseddu Heddlu De Cymru, i ddigwyddiad Kaleidoscope i ddynodi'r ffaith bod y gwasanaeth wedi bod yn gweithio ym maes camddefnyddio sylweddau yn Ne Cymru a Gwent ers 20 mlynedd.

Hefyd yn bresennol yn y digwyddiad a gynhaliwyd yn Eglwys Sant Gwynllyw, Casnewydd, roedd Jessica Morden, Aelod Seneddol Dwyrain Casnewydd, Jo Stevens, Ysgrifennydd Gwladol yr Wrthblaid a Martin Blakebrough, Prif Weithredwr Kaleidoscope.

Cafodd defnydd call o Naloxone, sef meddyginiaeth sy'n achub bywydau, ei hyrwyddo yn y digwyddiad, a chafwyd perfformiad hefyd gan Gôr Adfer Bryste, Rising Voices.

Mae'r Comisiynydd wedi cefnogi'r defnydd o Naloxone gan swyddogion Heddlu De Cymru yn llawn ers iddo gael ei dreialu yn gyntaf ym mis Medi, 2022. Ers hynny, mae 34 o fywydau wedi cael eu hachub gan swyddogion rheng flaen ac mae cannoedd o swyddogion heddlu a PCSOs wedi gwirfoddoli i gario'r feddyginiaeth.

Llun: Aeth Alun i ddigwyddiad dathlu Kaleidoscope yng Nghasnewydd ac yno hefyd roedd Jessica Morden, Aelod Seneddol Dwyrain Casnewydd, Jo Stevens, Ysgrifennydd Gwladol yr Wrthblaid a Martin Blakebrough, Prif Weithredwr Kaleidoscope.